نصائح لتعلم اللغة الانجليزية
معمرك تحفظ الكلمات خاصك تفهم الكلمات بزاف ديال الناس كيحفضو صحابهم الحفطة هي باش إتقن الإنجليزية ولاكن ديك الحفاضة كتخرج عليه حيت الكلمة عندها معاني كثيرة داكشي علاش خاصو إفهم الجملة كاملها
متقراش غير القواعد حيث إلا قريتي غير القواعد كتولي قريتي على الإنجليزية ماشي الإنجليزية
أهم حاجة نڭولها ليكم هيي خاصكم هو اللول تسمعو الكلمات مثلا تفرجو فأفلام بدون ترجمة ولا أغاني حيت السمع هو أهم حاجة إلا باغي تعلم و الدليل على ذالك الدراري الصغار كيتعلمو إهدرو غير حيث كيسمعو
تعلم غير بشوية عليك وحدة وحدة خود ليك غير شي مقطع وبقا تصنت ليه شي سيمانة بقا تعاودو ديما حتى تلاحظ الفرق مبين المرة اللولة سمعتيه واللخرة أتلڭا راسك وليتي كتميز الكلمات
دبا عاد جات الوقت باش تقرا القواعد و أسهل طريقة هي تاخد شي قصة ولا شي نص كبير وقراه شحال من مرة من بعد إلا كان داك النص فالماضي حول المضارع باش إبان ليك الفرق وهكا غادي تلڭا راسك فهمتي وشديتي بعض القواعد بلا متحس
وأخر نصيحة هي خاصكم تهدرو بزاف الإنجليزية مع شي صاحبكم ماشي غير هدرة عادية حاولو إعطيكم أسئلة وبقاو تجاوبو